Linguae Vasconum Primitiae
Nik zita bat nuen
Bernart Etxeparekin,
baina larehunda piko urtez berandutu naiz.
Harrigarriena da
Bernart Etxeparek itxadon egin nauela.
Euskal poesiaz galdetu didanean
esan diot:
euskaldunek (zeure salbuespenarekin, irakurlea)
ez dute poesiarik leitzen,
etb ikusten omen dute eta
bidaia turistikoak egiten omen dituzte
tropikoetara.
ETB?
Eta etb zer ote den asmatzen
eta neskameak ekarritako sagardoa edanez
Axularren zain geratu ginen.
 
[Sarrionaindiaren menura]
index mail